გამოფენა-ფორუმი

14 ივლისს გაიმართა პროექტის შემაჯამებელი გამოფენა-ფორუმი.
გამოფენას დაესწრო 14 სკოლის პროექტის მონაწილე 28 პედაგოგი და 28 მოსწავლე, სტუმრები, სკოლის დირექტორები, სასწავლო ნაწილები, მშობლები, სტუდენტები, ევრაზიის ფონდის წარმომადგენლები, ზრდასრულთა განათლების ასოციაციის წარმომადგენლები. სულ 100- მონაწილე.
მასწავლებლებმა წარმოადგინეს პროექტის ფარგლებში შექმნილი მოსწავლეთა და მასწავლებელთა ნამუშევრები. ნახატები, პოსტერები, მოსწავლეების მიერ შექმნილი ალბომები. პორთფოლიოები, სპექტაკლის თოჯინები...
გამოფენა ფორუმზე მოეწყო პროექტის ფარგლებში შექმნილი მასალების პრეზენტაცია:
დაიბეჭდა სახელმძღვანელოები: მოთხრობები ფასეულობითი განათლებისათვის. შეიქმნა ახალი დამხმარე სახელმძღვანელო მასწავლებლისათვის. რომელშიც შევიდა გორის პედაგოგების მიერ მოძიებული ფასეულობითი მოთხრობები და მომზადებული ახალი აქტივობები. მოეწყო ბლოგის პრეზენტაცია. ფასეულობითი პოსტერებისა და სანიშნების პრეზენტაცია.

მოსწავლეების განმარტებები ფასეულობების შესახებ

რა არის უბრალოება?

• არის ის, როდესაც ადამიანი არის ის, რაც სინამდვილეში არის


• არის როცა მინდორში უბრალოდ ამოდის ბალახი და ბიბინებს, აყვავდება ატამი და ჰაერში ტრიალებს სასიამოვნო სუნი.


• ყოყოჩი რომ არ ხარ, ადამიანს მაღლიდან უყურებ

რა არის პატიოსნება?

• სხვის ნივთს რომ არ აიღებ დაუკითხავად;


• როცა აკეთებ კეთილ საქმეს და თანაგრძნობას უწევ შენს გვერდით მყოფს


• არის, როცა არავის ატყუებ, არავის პარავ, ღალატობ, ხარ ერთგული, ასრულებ პირობას;


• ანგარების გარეშე რომ აკეთებ საქმეს;

რა არის პასუხისმგებლობა?

• როდესაც ქუჩაში არ დაყრი ნაგავს;


• არის მოწესრიგებული ნივთებით რომ დადიხარ სკოლაში


• პატარა დას რომ ჩამაბარებს დედა და კარგად დავახვედრებ


• ზრუნვა შინაურ ცხოველებსა და ფრინველებზე;

მასწავლებლების კომენტარები

კითხვაზე - რით იყო ეს ტრენინგი მნიშვნელოვანი თქვენთვის? მასწავლებლებმა უპასუხეს:

კიდევ ერთ კარს გავაღებ მოსწავლეთა გულისაკენ მიმავალ გზაზე;

საინტერესო კუთხით წარმოჩინდა ჩემთვის ცხოვრებისეული ფასეულობები და ვეცდები ჩემს მოსწავლეებს ასე დავანახო;

დიდი სურვილი გამიჩნდა საფუძვლიანად დავეუფლო სიახლეებს და დიდი ყურადღება მივაქციო ფასეულობების განვითარებას მოსწავლეებში.

ძალიან ბევრი და საინტერესო მოვისმინე და ვისწავლე სამომავლოდ რომ გავხდე წარმატებული და საინტერესო მასწავლებელი;

ბევრი რამ ვისწავლე, დავფიქრდი ფასეულობებზე, ვისწავლე ახალი აქტივობები, მეთოდები;

ტრენინგი მნიშვნელოვანია იმით რომ ეს ყველაფერი არის ახალი და ძალიან საინტერსო. მნიშვნელოვანია რომ იდეებით დატვირთული დავიწყებ ახალ სამუშაო კვირას.

საბავშვო მოთხრობებს შევხედე სხვა კუთხით.

სასწავლო თეორიები გავაცნობიერე და მივხვდი რამდენად მნიშვნელოვანია გაკვეთილის დაგეგმვის დროს მათი გათვალისწინება

უკეთესად გავიგე სავარჯიშოები და აქტივობები ბედნიერებაზე, პასუხისმგებლობაზე;

გავეცანი ახალ აქტივობებს, რომლებიც იმედი მაქვს ეფექტურად იმუშავებს ბავშვებთან;

ტრენინგი მნიშვნელოვანია ძალიან, გვასწავლის როგორ გავხადოთ ბავშვებისათვის სწავლის პროცესი საინტერესო და უხაროდეთ სკოლაში მოსვლა,

გავეცანი ბევრ ისეთ აქტივობას რომელსაც დღემდე არ ვიყენებდი. ეს კი დამეხმარება ბავშვებთან მუშაობაში.

პროექტის "ფასეულობები ძალადობის წინააღმდეგ" ფარგლებში მომზადებული აქტივობები

• ქ. გორის ყველა სკოლის (სულ 14 სკოლა) 28 დაწყებითი კლასების მასწავლებელი, თითო სკოლიდან 2 წარმომადგენელი დაესწრო ტრენინგს.

• პედაგოგებისათვის ჩატარდა 12 ტრენინგ-დღე.

• შეიქმნა 28 მასწავლებლის პორთფოლიო. თითოეული მასწავლებელი აწარმოებს პროექტის შედეგების ამსახველ პორთფოლიოს, სადაც მოთავსებულია მოსწავლეთა ნამუშევრები, მასწავლებლების აქტივობების ჩატარების გეგმები, მოძიებული მასალა, ფოტო არქივი. შექმნილი თვალსაჩინო მასალა.

• 750-ზე მეტი დაწყებითი კლასების (8-11 წლის) მოსწავლე ჩაერთო პროექტში. პროექტის “ფასეულობები ძალადობის წინააღმდეგ” ფარგლებში მათ უტარდებათ კვირაში ორი დღე ფასეულობითი გაკვეთილები და აქტივობები. სულ ჩატარდა 504 ფასეულობითი გაკვეთილი (თითო პედაგოგმა ჩაატარა 18 გაკვეთილი X 28 პედაგოგზე = 504 ფასეულობითი გაკვეთილი)

• 28 უფროსკლასელს (14 სკოლიდან ორი წარმომადგენელი, 13-16 წლის ასაკობრივი ჯგუფი) ჩაუტარდა 12 ტრენინგ-დღე შემდეგ თემაზე: ლიდერობა, გუნდურობა, ჯგუფში მუშაობა, დებატების ხელოვნება, ფასეულობები.

• დაიბეჭდა 3 წიგნი. “მოთხრობები ფასეულობითი განათლებისათვის” (ამ მოთხრობების გამოყენებით მასწავლებლებმა ჩაატარეს გაკვეთილები) ესენია:

1. წიგნი პირველი/წაიკითხე და გააფერადე, მოთხრობები: “ღუტუნას მუცელი ასტკივდა, ღუტუნას დაბანა არ უნდოდა”. დაიბეჭდა 1000 ცალი.


2. წიგნი მეორე/წაიკითხე და გააფერადე, მოთხრობები: “აბა, ვის ვეთამაშო? მტირალა ზაზღუ”. დაიბეჭდა 1000 ცალი.

3. წიგნი მესამე/წაიკითხე და გააფერადე, მოთხრობა: “რა ვაჩუქო ნინის?” დაიბეჭდა 1000 ცალი.

14 სკოლას დაწყებითი კლასების მოსწავლეთათვის გადაეცა 2550 წიგნი.

1. წიგნი პირველი/წაიკითხე და გააფერადე, მოთხრობები: “ღუტუნას მუცელი ასტკივდა, ღუტუნას დაბანა არ უნდოდა.” 850 ცალი.

2. წიგნი მეორე/წაიკითხე და გააფერადე, მოთხრობები: “აბა, ვის ვეთამაშო? მტირალა ზაზღუ.” 850 ცალი.

3. წიგნი მესამე/წაიკითხე და გააფერადე, მოთხრობა: “რა ვაჩუქო ნინის?” 850 ცალი.